Ómerkt allergen í Chicken Tikka Masala liðugtrætti

CPF Denmark A/S afturkallar partí av liðugtrættinum Chicken Tikka Masala.

Orsøkin er, at tilfar við allergenunum hveiti (gluten), sesam og soja av misgáum er brúkt, og hesi allergen eru ikki ávíst á merkingini.

Talan er um vøruna Coop Chicken Tikka Masala, kylling tikka masala med gule jasminris.

Vøran er seld í Føroyskum handlum, og fólk, ið hava ovurviðkvæmi ella intoleransu móti gluten, sesam og/ella soja eiga ikki at eta vøruna, sigur Heilsufrøðilga Starvsstovan. Heitt verður tí á fólk, ið hava ovurviðkvæði ella intoleransu móti hesum, og sum hava keypt hesa vøru, um ikki at eta hana, og í staðin beina hana burtur ella lata hana inn aftur, har hon er keypt.

Um vøruna

Nettoindhold: 350 g
Lot numrene: 0562092 B06 og 0562092 B07
Bedst før dato: 2/4-2021
EAN stregkode: 7340011456742