Omikron staðfest í Føroyum

Koronufrábrigdið sum seinastu dagarnar hevur breitt seg í Evropa er nú eisini staðfest í Føroyum.

Tað váttar Lars Fodgaard Møller, landslækni, fyri Kringvarpinum fyrrapartin.

Tilsamans 96 smittutilburðir vóru staðfestir í kanningunum mánadagin. Átta av teimum vórðu sendar til Heilsufrøðiligu starvsstovuna at vera útgreinaðar fyri omikron.

VP skrivar, at ein tilburður við Omikron-frábrigdinum er staðfestur hjá starvsfólki á Landssjúkrahúsinum. 16 starvsfólk á skurðdeplinum vóru staðfest positiv, og tað talið fer væntandi at vaksa í dag. Og nú vísir tað seg, at í øllum førum eitt starvsfólk, er staðfest við illa smittandi frábrigdinum.

Landslæknin upplýsir annars, at tað í gjár ikki vóru líka nógvir tilburðir sum mánadagin. Fyribilstølini vísa, at 75 tilburðir vóru staðfestir.

Les eisini: Omikron kann vera byrjanin til endan á heimsfarsóttini