Ongantíð áður so nógvir tilburðir í eitt samdøgur

Um ein skal hyggja eftir onkrum positivum viðvíkjandi øllum koronutilburðunum, sum verða staðfestir, so er tað at alsamt fleiri gerast frísk aftur.

Metnógvir tilburðir vóru staðfestir í gjár, vísa tølini hjá landslæknanum. Heilir 111 tilburðir, sum er tað mesta vit hava skrásett í eitt samdøgur áður.

Landslæknin hevur verið í sambandi við øll tey smittaðu.

4.233 kanningar eru gjørdar seinasta samdøgrið, og 674 fólk eru sambært almennu tølunum í sóttarhaldi. Hetta talið er helst nakað hægri, tí landslæknastovnurin ikki hevur havt orku at verið í samband við øll tey nógvu, sum hava verið saman við seinni smittaðum.

Níggju fólk eru innløgd við koronu.

Men samstundis sum at 111 tilburðir eru staðfestir í dag, eru 94 fólk eisini staðfest frísk aftur, eftir at hava verið positiv við koronu.

Sostatt eru tað nú 773 fólk sum í løtuni eru positiv.