2021-05-25 10:22
Eftir at koronasmittan er blómað uppaftur í eini nýggjari bylgju, er trýst á ókeypis almennu skipanina eftir at lata seg kanna fyri korona.
Men í løtuni er tað bert fólk í Suðuroy, sum hava møguleika at bíleggja sær eina tíð til at verða kannað.
Á skipanini hjá sjúkrahúsverkinum fáa fólk, ið vilja lata seg kanna í Tórshavn, Klaksvík og Sandoy boð um, at ongin tíð er tøk í løtuni.
Hinvegin er gott pláss at lata seg kanna í Suðuroy, har kannað verður í morgin og fríggjadagin.
Eisini eru nakrar fáa tíðir tøkar seinnapartin í dag í Nólsoy, sambært skipanini.
Til ber tó at fáa koronakanning framda hjá felagnum Thetis og rinda fyri kostnaðin.
Vinarliga broyt tínar kennifíla - og privatlívsstillingar fyri at síggja hetta innihald