Í morgin, hósdagin 6. mai verður móttøka á Hotel Djurhuus í Havn.
Í tíðindaskrivi verður boðað frá, at hotellið hevur opið hús frá klokkan 15 til 17 í sambandi við, at hotellið hevur fingið nýggjar eigarar, hevur broytt navn, og er vorðið umbygt.
– Tað hevði glett okkum at sæð samstarvsfelagar, vinir, familju, kenningar og øll áhugaði til opið hús á Hotel Djurhuus hósdagin millum kl. 15 og 17. Vit bjóða okkurt søtt til góman, og høvið verður at síggja hotellið og heilsa uppá starvsfólkið, skrivar Hotel Djurhuus.
Tað var í september í fjør, at Rúni Djurhuus keypti gamla Hotel Streym frá miðvinginum Svend Aage Ellefsen, sum hevði rikið tað síðan 2006.
(Mynd: Hotel Djurhuus)
Vinarliga broyt tínar kennifíla - og privatlívsstillingar fyri at síggja hetta innihald