Opin fyri at bjóða ukrainum at gerast partur av Nato

Í Fraklandi eru tey opin fyri alt fyri eitt at bjóða Ukraina at gerast partur av verjusamgonguni Nato.

Tað sigur franski uttanríkismálaráðharrin, Jean-Noel Barrot undir vitjan í kraina í dag.

– Viðvíkjandi innbjóðingini til Ukraina um at gerast limur í Nato, eru vit opin fyri tí. Tað er nakað, vit umrøða við okkara sameindu, sigur hann sambært Ritzau.

Fyrr í dag segði russiska uttanríkismálaráðið, at ukrainskur Nato-limaskapur hevði gjørt tað ógjørligt fyri partarnar at fáa eina diplomatiska loysn viðvíkjandi krígnum millum londini.

Herfyri vitjaði ukrainski forsetin, Volodymyr Zelenskyj í Brússel, har hann á toppfundi greiddi frá sínari sonevndu sigursætlan.

Ætlanin inniber m.a., at Ukraina uttan fleiri treytir gerst limur í Nato, eftir at kríggið er av.