Orbán vitjar í Kyiv

Spurningurin um hvussu friður kann fáast í lag í Ukraina er á dagsskránni í dag, nú ungarski forsætisráðharrin Viktor Orbán kemur á vitjan í Kyiv og skal hitta ukrainska forsetan, Volodymyr Zelenskij.

Orbán skuldi koma til ukrainska høvuðsstaðin um 8 tíðina í morgun, lokala tíð, upplýsti eitt talsfólk hjá forsætisráðharranum fyri Reuters.

Hetta er fyrsta vitjanin hjá ungarska forsætisráðharranum í Ukraina síðan russisku innrásina í landið í 2022.

Umframt at tosa um frið, skulu Orbán og Zelenskyj eisini viðgera innanhýsis viðurskifti millum tey bæði grannalondini.

Vitjanin hendir dagin eftir, at Ungarn tók yvir formansskapin í ES.

Orbán hevur fyrr ofta staðið einsamallur móti hinum ES-leiðarunum í málum og samráðingum, eitt nú um stuðul til Ukraina.

Ungarn er tættasti sameindi hjá Russlandi í ES. Ungarn hevur, bæði í ES- og í Nato-samanhangi mælt frá at lata vápn til Ukraina.