Ingi Samuelsen
Altjóða floghavnin Sam Ratulangis í Indonesia er fyribils stongd fyri ferðslu orsaka av at øskuskýggj frá einum eldgosi gjørdi flogferðslu ótrygga í økinum. Tað upplýsa myndugleikar á staðnum tíðliga í morgun, okkara tíð.
Eldgosið Ruang, ið stingur upp úr havinum, umleið 100 kilometrar í ein landnyðring úr floghavnini, fór týsdagin at goysa, og sendi eitt øskuskýggj meira enn 1,6 kilometrar upp í loft.
Sam Ratulangis International Airport liggur í landnyðringsendanum av indonseisku oynni Sulaessi.
Eldgosið hevur eisini havt við sær, at fólk, sum búgva nærhendis, eru flutt burtur.
Indonsesiskir myndugleikar upplýstu í morgun, at tey arbeiða við at fáa flutt 11.000 fólk burtur, sum búgva á útsynningssíðuni av oynni Tangulandang, ið liggur nær við eldgosið.
Ein embætismaður á staðnum upplýsir, at fleir fólk longu eru flýggjað, skrivar Ritzau.
Vinarliga broyt tínar kennifíla - og privatlívsstillingar fyri at síggja hetta innihald