Innanlands

Ov lítil áhugi fyri Eldraráðnum í Havn

Bara átta fólk bjóðaðu seg fram – valið er nú útsett

2020-09-14 16:12 Author image
Ingi Samuelsen
placeholder

Tá ið freistin at bjóða seg fram til Eldraráðið í Tórshavnar kommunu var úti mikudagin í farnu viku, høvdu bara átta fólk bjóðað seg fram.

Tað skulu fimm fólk í nevndina og fimm varalimir, so tað var ikki nóg mikið av uppstillaðum. Tí er avgerð tikin um at leingja uppstillingarfreistina og útseta valið, skrivar Tórshavnar kommuna á heimasíðuni.

Nýggj uppstillingarfreist er 23. september, og valið verður fram til hósdagin 22.oktobur. Atkvøtt verður við brævatkvøðum. Valbari og atkvøðurætt hava allir borgarar í kommununi, sum valdagin eru 60 ár og eldri.

Eldraráðið ráðgevur býráðnum í øllum eldrapolitiskum spurningum og er bindilið millum eldru borgararnar og kommununa.

 

placeholder
placeholder