Nú skúlainnskrivingin í Tórshavnar kommunu er av, er greitt, at ov nógv børn eru skrivað inn í Skúlan á Fløtum og í Sankta Frans Skúla.
Skúlarnir fáa ikki tikið ímóti øllum teimum innskrivaðu børnunum, og mugu tí nakrar flytingar gerast, skrivar kommunan á heimasíðuna.
288 børn eru skrivað inn til 1. flokk í kommununi, og burtsæð frá teimum áðurnevndu skúlunum, er enn pláss eftir á hinum skúlunum í kommununi.
Tølini á heimasíðuni hjá Tórshavnar kommunu vísa, at eitt nú 25 pláss eru eftir í Skúlanum við Løgmannabreyt, og 18 pláss eftir í Eysturskúlanum.
123 børn eru innskrivaði í forskúla, og tey flestu eru innskrivaði í Skúlan á Fløtum og Sankta Frans Skúla.
Foreldur at børnum, sum ikki fáa pláss í tí skúlanum, tey hava ynskt, fáa nærri boð frá kommununi um umleið 14 dagar, sigur kommunan.
Vinarliga broyt tínar kennifíla - og privatlívsstillingar fyri at síggja hetta innihald