Óvanliga heitt í Skandinavia

Í Føroyum hava kavi, hálka, vindur og regn sett dám á januar higartil.

Í Danmark, umframt í stórum pørtum av Svøríki, Noreg og Finnlandi, er tað í løtuni væl heitari enn vanligt hesa árstíðina.

Væntaða veðrið seinnapartin í morgin (Mynd: tv2.dk)

Í dag, hósdagin hava tað verið fimm higastig ella nakað yvir tað í stórum parti av Skandinavia, og hetta sær út til at halda fram í morgin.

Um tað verður samanborið við, hvussu veðurlagið vanliga er í januar í Skandinavia, so liggur tað umleið 10 til 15 higastig yvir tí í løtuni.

Danskir veðurfrøðingar skýra tað at vera "ekstremur hiti" fyri árstíðina.