Ingi Samuelsen
Skandinaviska flogfelagið, SAS, hevði 1,52 milliardir svenskar krónur í halli annan ársfjórðing í ár.
Saman við fyrsta ársfjórðingi merkir tað, at hallið í fyrra hálvári í ár verður 3,96 milliardir svenskar krónur, skrivar dr.dk.
Spariætlanin, sum SAS kunngjørdi við seinasta roknskap, metir felagið, verður trupul at gjøgnumføra, um tað ikki verða gjørdar ætlanir saman við fakfeløgini um nýggjar sparingar.
SAS hevur síðan koronuavmarkingarnar havt stórar avbjóðingar við starvsfólkatroti, tí felagið hevur minkað munandi um starvsfólkahópin undir farsóttini. Hetta varð gjørt fyri at minka um missin orsaka av lækkandi ferðafólkatalinum.
Seinastu tíðina er ferðahugurin vaksin munandi hjá SAS. Men starvsfólkamangulin er so stórur, at felagið hevur verið noytt til at avlýsa 4.000 túrar hetta summarið, skrivar dr.dk.
Vinarliga broyt tínar kennifíla - og privatlívsstillingar fyri at síggja hetta innihald