Pætur og Halla síggja eldgosið úr stovuni

- Ja, tað sæst frá stovuni. Ein long sprunga, sigur Pætur Wraae úr Havn, um eldgosið í Íslandi í kvøld.

Pætur Wraae og unnustan Halla Askersdóttir úr Kollafirði búgva í Garðabær, nærhendis Keflavík, sum liggur norðanfyri Grindavík.

Um 22 tíðina hugdi hann út, og har var alt upplýst av stóra eldgosinum, sum í kvøld fór at goysa á Reykjanesi.

Les eisini: Nú goysir norðanfyri Grindavík

Íslendskir miðlar skriva, at eldgosið sær út til at vera størri enn undanfarna eldgos, sum var á Reykjanesi.

Eldgosini, sum hava verið seinastu árini, hava ikki ávirkað flogferðsluna í Keflavík nakað serligt, og enn er ikki vist, hvørja ávirkan hetta fer at hava.

Pætur Wraae er flogskipari hjá íslendska flogfelagnum Play.

Pætur Wraae

Úr Keflavík (Mynd: Mortan Fjørðoy)

Úr Keflavík (Mynd: Mortan Fjørðoy)