Pakistan: Níggju løgreglufólk latið lív í sjálvmorðsatsókn

Í morgun vórðu níggju løgreglufólk dripin í einari sjálvmorðsatsókn í pakistanska býnum Sibbi.

Ein bumba brast, tá ein persónur á motorsúkklu rendi á ein løgreglubil, sigur talsfólk hjá løgregluni sambært Reuters.

Í minsta lagið sjey onnur løgreglufólk vórðu særd í álopinum.

Seinastu tíðina hava fleiri álop verið á løgreglufólk í Pakistan. Enn hevur eingin felagsskapur tikið ábyrgdina fyri nýggjasta álopið.