Alda Nielsdóttir
Ein sjálvmorðsatsókn hevur í dag kravt í minsta lagi 40 mannalív í Pakistan.
Atsóknin varð framt í Khyber Pakhtunkhwa-lanslutinum, sum liggur á markinum til Afganistan. Hetta hendi, meðan yvir 400 fólk vórðu savnað til politiskan fund hjá islamiska flokkinum Jamiat Ulema-e-Islam-Fazl (JUI-F).
Í minsta lagi 130 fólk vórðu særd, og hjá 17 teirra er støðan hættislig, upplýsir heilsumálaráðharrin í landslutinum, Riaz Anwar sambært tíðindastovunum Ritzau og Reuters.
Økisformaðurin hjá JUI-F, Maulana Ziaullah var millum teirra, ið lat lív.
Eingin hevur tikið ábyrgdina fyri álopið, men ein lokal deild hjá IS framdi herfyri eitt álop á JUI-F. Talið á álopum í Pakistan, serliga móti løgregluni, er økt, síðan Taliban tók valdið aftur í Afganistan í august 2021.
Væntandi verður val í Pakistan í heyst, og eru politisku flokkarnir við at fyrireika seg til valstríðið.
Vinarliga broyt tínar kennifíla - og privatlívsstillingar fyri at síggja hetta innihald