Palli fer frá eftir 42-ára tænastu í Vestmanna skúla

 - Tað er við gleði og nakað av sorgblídni, at vit bjóða til fráfaringarhald fyri at heiðra Paula (Palla) Joensen, sum eftir 42 árum sum lærari í Vestmanna skúla, fer frá vegna aldur.

Hetta skrivar Vestmanna kommuna á heimasíðu sínari.

Nú hetta skúlaárið endar, takkar royndi lærarin fyri seg eftir drúgva tænastu í Vestmanna skúla.

Talan er um ein lærara og persón sum hevur havt ávirkan á nógv og eisini hevur harvið sett síni spor í bygdarmentanina, skrivar vestmanna.fo.

- Vit vóna, at tit koma at heiðra Palla fyri hansara drúgvu tænastu og íkast til okkara skúla og samfelag. Tað verður møguleiki fyri at deila minnir, siga takk og ynskja Palla alt tað besta í hesum næsta táttinum.

Fráfaringarhaldið verður í auluni í Vestmanna skúla hósdagin 20. juni kl 15:30.