Pantgjaldið køvir føroyska bryggjarívinnu

Á Føroya Bjór vóru tey óvanliga hugstoytt, tá tey hósdagin lósu lógaruppskotið frá Ingilín Didriksen Strøm, landsstýriskvinnu, um nýggja pantskipan.

- Tað, sum ørkymlar okkum allar mest av øllum er, at landsstýrið í hesum uppskotinum als ikki tekur atlit til føroyska framleiðsluvinnu, men eina og aleina hevur snikkað lógina fyri at tæna teimum, sum flyta inn og selja útlendskar vørur í Føroyum.

Soleiðis sigur Annika Waag, virkisleiðari á Føroya Bjór. So hugstoytt ljóðar hon á røddini, at hon næstan er farin at ivast í, um aldargamla fyritøkan, Føroya Bjór, hevur lív lagað.

- Vit hava roynt at greitt landsstýriskvinnuni frá okkara støðu, men tað er sum um at vit hava tosað fyri deyvum oyrum, tí hædd er als ikki tikin fyri teimum grundgevingum, sum vit hava ført fram.

(Mynd: Jens Kr. Vang)

- Og tað, sum nívir okkum mest er, at hetta uppskotið er í stríð við allar grønar tankar um at menna føroyska vinnu og eggjan til stuttfluttar vørur, sum landsstýriskvinnan annars hevur gjørt seg til talskvinnu fyri.

Les alla greinina ókeypis í Blaðnum Vikuskifti her