![placeholder](https://dagur.fo/css/img/banner2x1.png)
Paul Watson er í dag handtikin í grønlendska høvuðsstaðnum Nuuk. Hesum boðar umhvørvisfelagsskapurin hjá Paul Watson frá á Facebook. Og ein mynd er eisini viðheft, har Paul Watson sæst vera førdur í ein politibil.
Hann skal vera handtikin fyri at hava roynt at órógva grindadráp í føroyskum sjóøki í fjørsummar.
Paul Watson og hansara fólk eru á veg til Kyrrahavið við skipinum John Paul de Joria, og ætlanin er at forða japanskari hvalaveiðu, og serliga nýggja hvalaveiðuskipinum hjá Japan, Kangei Maru.
Siglt verður gjøgnum truplu útnyrðingsleiðina, og á vegnum hevur verið steðgað í Nuuk fyri at bunkra.
Vinarliga broyt tínar kennifíla - og privatlívsstillingar fyri at síggja hetta innihald