Pávin framvegis innlagdur á sjúkrahúsi

Frans pávi skal framhaldandi vera á sjúkrahúsi í Rom eftir at hann fyri viku síðani varð lagdur í skurð vegna trupulleikar í langanum.

Tað upplýsir Vatikanið sambært Reuters.

Upprunaliga skuldi pávin vera innlagdur í eina viku, men nú verður innleggingin longd.

Hetta verður gjørt fyri at fáa endurvenjingina upp á pláss og heilivágin tillagaðan hjá 84 ára gamla pávanum, skrivar Ritzau.

Hetta er fyrstu ferð síðan pávin varð tilnevndur til ovasta fyri katólsku kirkjuna, at hann hevur verið innlagdur á sjúkrahús.