Pávin: Kríggið er meiningsleyst hópdráp

Frans pávi tók í dag frástøðu frá krígnum í Ukraina, og heitti hann úr Pæturskirkjuni í Rom á tey, sum hava ábyrgdina, um at steðga tað.

– Tað er eitt meiningsleyst hópdráp har ræðuleikar verða endurtiknir hvønn einasta dag, segði hann.

Sambært DR tosaði pávin herfyri við patriarkin í russisk-ortodoksu kirkjuni í Moskva, sum forsvaraði kríggið í Ukraina. Til hetta skal pávin hava sagt, at kríggj ongantíð kann rættvísgerast.