Pávin umhugsar at vitja Kyiv

Frans pávi umhugsar nú at fara til ukrainska høvuðsstaðin Kyiv eftir at ukrainski forsetin Volodimir Zelenskyj og Vitali Klitschko, borgarstjóri í Kyiv hava bjóðað honum.

Tað segði 85 ára gamli pávin í gjár ávegis til vitjan á Malta, tá hann varð spurdur, um tað kundi koma uppá tal at fara til Kyiv.

Tað var 8. mars, at hann fekk eitt bræv frá borgarstjóranum í Kyiv um at vitja høvuðsstaðin í krígsrakta Ukraina, og í talu til italska tjóðartingið 23. mars bjóðaði ukrainski forsetin eisini pávan at koma á vitjan.

Yvir 4,1 millión fólk eru rýmd úr Ukraina, síðan kríggið byrjaði 24. februar.