Pedagogar í samhugaverkfall mánadagin

Nú sjúkrarøktarfrøðingarnir hava verið í verkfall í næstan tríggjar vikur, fer eitt annað fakfelag í samhugaverkfall.

Tað verður mánamorgunin klokkan 8, at sáttmálasettu limirnir í Føroya Pedagogfelag, fara í samhugaverkfall við Felagnum Føroyskir Sjúkrarøktarfrøðingum.

Limirnir fara í verkfall frá 9. november klokkan 8 til klokkan 20.

Verkfallið er galdandi fyri allar limir felagsins, sum starvast sum námsfrøðingar knýttir at serstovum í fólkaskúlanum, námsfrøðiligir stuðlar og hjálparfólk sum eru stuðlar í fólkaskúlanum.