Pensjónsaldurin: Tryggleikin verður tikin frá okkum

- Politiski myndugleikin er vorðin kaldur og kensluleysur. Uttan fyrilit til menniskjaligu rættindini til verandi pensjónsaldur, er ætlanin at kroysta enn eina hækking av pensjónaldrinum niður yvir borgaran.

Soleiðis byrjar eitt stutt men greitt skriv hjá Fakfelagssamstarvinum sum viðmerking til uppskoti um at hækka pensjónsaldurin.

Víst verður á at atlit verður ikki tikið til, at heilsustøðan hjá fólki ger, at ein stórur meiriluti ikki megnar at arbeiða ellisárini.

Orð sum "trælur á arbeiðsmarknaðinum" og "fíggjarlig vanlukka" verða nýtt.

Reint menniskjaliga halda tey í Fakfelagssamstarvinum, at ein persónur fer at koma í veruligar fíggjarligar trupulleikar, um viðkomandi ikki megnar at arbeiða heilt til ætlaða 70-ára aldur.

Spurt verður hvar rættindini hjá borgaranum eru, og hví tey ikki verða vird. Fakfelagsfólkini halda, at tað er ovmikið.

Í Degi og Viku mánakvøldið vísti Ruth Vang, landsstýriskvinna í fíggjarmálum, á, at ein hækkan av pensjónsaldrinum til 70 ár fer at loysa helmingin av haldføristrupulleika landskassans.

Sí eisini: Landsstýriskvinnan hevði ikki samtykt Suðuroyartunnilin

Fakfelagssamstarvið er eitt samstarv millum sjey fakfeløg á almenna arbeiðsmarknaðinum. Hesi fakfeløg eru: Havnar Arbeiðskvinnufelag, Felagið Føroyskir Sjúkrarøktarfrøðingar, Akademikarafelag Føroya, Starvsmannafelagið, Lærarafelagið, Føroya Pedagogfelag og frá í februar eisini Heilsuhjálparafelag Føroya.

Forfólkini í nevndu fakfeløgum