Enn er ikki tamarhald á eldinum í Sandoyartunlinum, men tvey fólk eru bjargað úr tunlinum.
Tað var klokkan 09:08 at politiið fekk fráboðan um, at eldur var kyknaður í einum ljósmotori, ið stóð umleið tríggjar kilometrar inni í tunlinum Sandoyarmegin.
Sløkkilið, sjúkraflutningstænastan, tyrla og politiið vóru beinanvegin send á staðið.
Enn er ikki tamarhald á eldinum og tí er heldur ikki greitt hvussu umfatandi skaðin er, sigur løgreglan í tíðindaskrivi.
Upplýsingar vóru um, at tað tveir persónar framvegis vóru eftir inni í tunlinum.
Kl. 12.51 eru báðir persónarnir komnir út og teir hava tað eftir umstøðunum gott og verða við tyrlu fluttir á Landssjúkrahúsið til nærri kanningar.
Sostatt eru allir persónar komnir úr tunlinum.
Politiið hevur í løtuni ikki fleiri viðmerkingar til málið.
Vinarliga broyt tínar kennifíla - og privatlívsstillingar fyri at síggja hetta innihald