Pinkubarnamatur afturkallaður

Fleiri sløg av greyti til pinkubørn verða nú afturkallað.

Tað er fyritøkan Jan Import A/S, sum afturkallar greytin av merkinum Woodland Wonders, sum eisini er seldur í Føroyum.

Orsøkin er, at fleiri brúkarar hava boðað fyritøkuni frá, at pinkubørn hava spýð eftir at hava etið greytin, skrivar Heilsufrøðiliga Starvsstovan.

Talan er um hesi sløgini av greyti: Early Sunrise, Secret Forest, Happy Morning, Sunshine, Berry Nice.