Politisku ungmannafeløgini skipa fyri samhugatiltøkini í kvøld

Í kvøld, mikukvøldið 2. mars verður samhugatiltak fyri Ukraina á speakers corner á Vaglinum í Havn.

Tað eru øll politisku ungmannafeløgini, ið saman skipa fyri tiltakinum, ið ikki er partapolitiskt

- Latið okkum vísa, at vit mótmæla russiska álopið á Ukraina og vísa okkara samhuga við fólkið, har býr

Hetta skriva fyrireikararnir í tíðindaskrivi, har tað eisini verður boðað frá, at umboð fyri Reyða Kross og Amnesty International Føroyadeild koma at halda røðu. Tøgn verður eisini hildin í ein minutt fyri ukrainska fólkinum, sum í hesum døgum líður undir russisku innrásini.