Pólland herðir eftirlitið við markið til Hvítarussland

Pólland herðir nú eftirlitið við markið til Hvítarussland.

Pólski innlendismálaráðharrin, Mariusz Kaminski fer at senda 500 løgreglufólk til markið fyri at økja um trygdina í økinum.

Tey koma afturat 5.000 marknavørðum og 2.000 hermonnum, sum longu eru á varðhaldi við markið, skrivar Ritzau.

Sambært Jaroslaw Kaczynski, pólska varaforsætisráðharranum, sum hevur ábyrgd av trygdini, kunnu upp móti 8.000 Wagner hermenn verða sendir til Hvítarussland, eftir at forsetin í landinum, Aleksandr Lukasjenko hevur boðið Wagner-leiðaranum Jevgenij Prigozjin, og menn hansara til landið.

Markið millum Pólland og Hvítarussland er 418 metrar langt.