Uttanlands

Pólland: Koronuráðgevar sagt seg úr starvi

Stjórnin hevur ikki lurtað eftir teimum, og hevur ikki gjørt nóg mikið fyri at basa smittuni, heldur meginpartinum av ráðgevunum hjá pólsku stjórnini

Heilsustarvsfólk á hernaðarsjúkrahúsi í Varsjava (Mynd: EPA)

Heilsustarvsfólk á hernaðarsjúkrahúsi í Varsjava (Mynd: EPA)

2022-01-15 19:37 Author image
Alda Nielsdóttir
placeholder

Meira enn tveir triðingar av koronuráðgevunum hjá pólsku stjórnini hava sagt seg úr starvi. Grundgevingin er, at stjórnin ikki hevur lurtað eftir teimum og gjørt nóg mikið fyri at basa smittuni.

13 av teimum 17 ráðgevunum siga í skrivi til Mateusz Morwiecki, forsætisráðharra, sum The Guardian endurgevur, at tað verður meira vanligt, at embætisfólk "fara lættliga um koronu og tørvinum á koppseting".

Í skrivinum verður eisini sagt, at stjórnin hevur gjørt sera lítið fyri at basa smittuni í heyst.

Skrivstovan hjá Morwiecki sigur, at stjórnin hevur verið noydd til at taka hædd fyri ymisku sjónarmiðini hjá m.a. vinnulívinum.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder