Prísirnir hækka ikki við somu ferð

Nú hækka prísirnir ikki við somu ferð, sum teir hava gjørt.

Frá august 2023 til august 2024 eru prísirnir hækkaðir 1,7 prosent, og tað er lakasti prísvøkstur í meira enn trý ár.

Sambært Hagstovuni skulu vit aftur til februar 2021 fyri at síggja ein lakari prísvøkstur.

Matvøruprísirnir hækka tó framvegis. Prísirnir á mati og drykkjuvørum eru hækkaðir stívliga fýra prosent í august í ár samanborið við sama mánað árið fyri.

Tað er serliga prísurin á kjøti, sum er hækkaður — vøksturin er góð 11 prosent. Prísirnir á fiski eru somuleiðis hækkaðir. Tó er kaffi blivið bíligari enn í august 2023.

Árligi prísvøksturin í Føroyum er lakari enn miðalprísvøksturin fyri ES-lond, sum er 2,4 prosent.

Prísvøksturin í Danmark í august var enn lakari — 1,4 prosent. Størsti prísvøksturin er í Íslandi, har hann er seks prosent. Í Svøríki er prísvøksturin 1,9 prosent og Noregi 2,6 prosent. Lægstur er prísvøksturin í Finnlandi - 1,2 prosent.