Psykiatriin 50 ár: Beinleiðis stroyming

Klokkan 14 byrjar tiltakið "Psykiatriin 50 ár", og stroymað verður beinleiðis úr Smæruni.

Í dag eru nevniliga júst 50 ár liðin, síðan fyrstu 20 sjúklingarnir vórðu innlagdir á Statshospitalinum, sum er tað, sum í dag er kendur sum Psykiatriski depilin.

Tiltakið verður hátíðarhildið í Smæruni, og tað er ókeypis atgongd.

Á skránni verða fyrilestrar, sum lýsa føroysku psykiatriina úr fleiri ymsum sjónarhornum - bæði fortíð, nútíð og framtíð. Eisini verða sofaprát og tónleikur.

Skráin sæst her og tiltakið kann stroymast her.