Putin og Erdogan hittast í komandi viku

Í komandi viku hittast russiski forsetin, Vladimir Putin, og turkiski forsetin, Recep Tayyip Erdogan í russiska býnum Sotji, siga turkiskar keldur við Reuters.

Teir báðir skulu umrøða kríggið í Ukraina umframt kornavtaluna, sum tryggjaði útflutning av korni umvegis Svartahavið fram til 17. juli, tá Russland lat avtaluna fara úr gildi.

Kornavtalan varð gjørd í juli í fjør við hjálp frá ST og Turkalandi, og síðan tá er hon longd tríggjar ferðir. Ætlanin hjá Turkalandi er at fáa Russland uppí aftur avtaluna.