Ferðsluóhapp í Hvannasundstunnlinum

Í gjár, týsdagin 24. februar, var fyrsta veruliga ferðsluóhappi í Hvannasundstunnlinum - øðrum av nýggju tunlinum Norður um Fjall.

Ikki nakað jaligt markamót men tíbetur slapst undan veruligum fólkaskaða.

Bilarnir fóru annars illa. Teir gjørdust vrak.

Hetta upplýsir vaktleiðarin á løgreglustøðini í Havn í morgun. Hann sigur eisini, at málið nú verður kannað nærri.

Í fyrstu syftu sær ikki út til, at bilarnir vóru beinleiðis "gron til gron". Møguliga hava teir verið í gongd við at venda nakað fyri at sleppa undan stoytinum, men nú skal tosast nærri við bilførarnar, ið vóru teir einastu í bilunum. Hesir persónarnir vóru eftir óhappi koyrdir á sjúkrahús til kanningar, meðan breytin varð ruddað.