Á middegi var reisigildi á Steig í Sandavági, har Bústaðir, saman við Seve og Norðhús byggja fimm íbúðir.
Tað skrivar Vága kommuna á heimasíðuni.
Arbeiðið hevur gingið skjótt og verður eftir ætlan handað síðst í oktober 2022.
Íbúðirnar verða bygdar í einari lon. Tær verða umleið 80 fermetrar til støddar hvør og hava køk/stovu í einum, tvey sovikømur og baðirúm. Til hvørja íbúð hoyrir úthús og terassa. Íbúðirnar fara at verða hitaðar við jarðhita. Góð parkeringsviðurskifti eru á økinum.
Bjarni Prior, borgarstjóri er farin í summarfrí, og tí var varaborgarstjórin Albert Ellefsen, virkandi borgarstjóri, møttur til reisigildið á Steig í dag. Bjarni Prior, borgarstjóri verður aftur aftur 1. august, og til tá røkir Albert Ellefsen uppgávurnar hjá borgarstjóranum.
Vinarliga broyt tínar kennifíla - og privatlívsstillingar fyri at síggja hetta innihald