Reka grindina á Klaksvík

- Síðsti eg visti vóru teir út fyri Húsar, og tað kann ganga skjótt til Klaksvíkar, segði Jens Joensen, sýslumaður, tá vit tosaðu við hann fyri løtu síðani.

Hann var á veg til Klaksvíkar úr Skálafirði, har ein grind legði beinini fyrr í dag.

Í kvøld vóru aftur grindaboð, og hesaferð í Kalsoyarfirði, út fyri Mikladal.

Fyrstu boðini vóru, at tað vóru umleið 70 hvalir. Nú siga teir millum 50 og 100.

Á Marinetraffic sæst, at bátarnir nærkast vágni, og grindin verður tí helst hildin til eina løtu.