Tíðindaskriv
Íslendski Reyði Krossur hevur stovnað eina bráðfeingis innsavning til tess at hjálpa teimum, sum eru ávirkað av eldgosinum í Grindavík.
Síðani íbúgvar í Grindavík vórðu fluttir úr býnum, hevur Íslendski Reyði Krossur hjálpt eitt nú við bráðfeingisskjóli, fyribils leigubústaði, sálarligum stuðli og peningaligum stuðli til tey, ið hava ilt við at gjalda eyka leiguna, ella ikki fingu klæðir, mat og annað neyðugt við sær, tá tey vórðu flutt úr Grindavík.
Føroyingar, sum vilja stuðla humanitera arbeiðinum hjá Íslendska Reyða Krossi kunnu flyta eina upphædd á konto hjá Reyða Krossi og viðmerkja “Ísland”. Bæði fólk og fyritøkur eru hjartaliga vælkomin at lata stuðul.
Bankakonturnar hjá Reyða Krossi í Føroyum eru hesar:
Bank Nordik: 6460 4946954
Betri: 9181 4950013
Norðoyar Sparikassi: 9865 1003776
Suðuroyar Sparikassi: 9870 4051387
Vinarliga broyt tínar kennifíla - og privatlívsstillingar fyri at síggja hetta innihald