RIB: Sigldu við ov nógvum ferðandi

Í sambandi við Ovastevnuna var nógv virksemi við RIB bátum á Nólsoyarfirði. Brimil var, sambært Vørn, í økinum og fór at kannað tríggar RIB bátar

Hjá tí eina bátinum var alt í lagi, men hinir báðir høvdu ov nógv ferðafólk. Loyvt er at hava í mesta lagi 12 ferðafólk í slíkum báti.

Løgreglan varð boðsend og kom á staðið beinanvegin.

Vørn skrivar, at í góðum samstarvi við Sjóvinnustýrið og Politiið verður eitt vakið eyga hildið við hesum virksemi í framtíðini.