Ríkmenn geva hundraðtals milliónir evrur til at uppbyggja Notre Dame

Dagin eftir at víðagitna dómkirkjan í Paris, Notre Dame, varð herjað av stórum eldi, hava franskir ríkmenn lova at lata stórar peningaupphæddir til arbeiðið at endurbyggja dómkirkjuna.

Í gjárkvøldið segði franski milliarderurin François Pinault, at hann fór at lata 100 mió. evrur til endurbyggingina.

Í dag boðaði ein annar franskur milliarderur, Bernard Arnault, at hann og fyritøka hansara LVMH, fara at lata 200 mió. evrur til endurbyggingina.