Rishi Sunak lagt frá sær

Rishi Sunak hevur fyrrapartin verið á Buckingham Palace og havt fund við Charles kong. Her hevur hann lagt frá sær sum bretskur forsætisráðharri.

Tað ger hann eftir stóra ósigurin á bretska tjóðartingsvalinum í gjár, tá flokkurin hjá Sunak, konserativi flokkurin, gekk aftur við 250 tingsessum.

Stóri vinnarin av valinum er arbeiðaraflokkurin Labour og formaðurin í flokkinum Keir Starmer, sum verður næsti forsætisráðharrin í Bretlandi.

Labour fekk 412 sessir í Undirhúsinum og harvið greiðan meiriluta. 650 sessir eru í Undirhúsinum.

Konserativi flokkurin hevur sitið við valdið í 14 ár.

(Mynd: EPA)