Ritan í dokk frá 19. oktober

Eftir ætlan skal Ritan, sum siglir millum Hvannasund, Svínoy og Fugloy, í dokk í oktober.

Ritan verður í dokk frá 19. oktober til umleið 9. november, og hetta tíðarskeiðið fer Jósup at sigla á leiðini hjá Rituni, skrivar Strandferðslan.

Av tí at møguleikin hjá Jósupi at taka farm er avmarkaður, heitir Strandferðslan á virkir og onnur, sum vanliga flyta farm við Rituni, um at fáa sum mest av hesum avgreitt, áðrenn Ritan fer í dokk.