Robert Pattinson sum Batman

33 ára gamli bretski sjónleikarin, ið er mest kendur fyri at hava spælt Edward Cullen í Twilight-filmsrøðini og Cedric Diggory í fjórða Harry Potter-filminum, hevur nú fingið sín næsta stóra leiklut sum superhetjan úr Gotham City.

Robert Pattinson fer nevniliga at yvirtaka leiklutin sum Batman frá Ben Affleck, ið hevði leiklutin í filmunum "Batman v Superman: Dawn of Justice" og "Justice League".

Fyrsti filmurin hjá Robert Pattinson sum Batman fær heitið "The Batman", og hann verður eftir ætlan frumsýndur í juni 2021, skrivar The Guardian.