Rógvi við beinleiðis sending til børn um krúnukrím

Fríggjadagin klokkan 13 fer Rógvi at hava eina beinleiðis sending, og fer at greiða børnunum frá um krúnukrím, og fer sjálvandi eisini at gykla.

Boðini frá Rógva eru soljóðandi:

Góðu foreldur,
Við hesum ynski eg at hjálpa tí einstaka barninum, í barnahædd, at skilja, hví tað er so týðingarmiki, at vit øll gera eftir boðum frá landslæknanum, viðvíkjandi korona. Her hugsi eg serliga um, hví vit mugu vera heima og ikki á stovni/skúla; hví vit mugu vaska hendur ofta um dagin, og hví vit skulu halda frástøðu til hvønn annan.

Sendingin, sum verður beinleiðis á Facebooksíðuni her.

Hetta er ætlað børnum og vaksnum.