Royndu at lokka dreingir upp í ein bil

Í gjár fekk løgreglan eina fráboðan um, at tveir ungir menn høvdu roynt at lokka nakrar dreingir upp í ein bil. Hetta hendi í gjárkvøldið í Gundadali í Havn.

Tá dreingirnir, sum vóru um 12 ára aldur, noktaðu at fara uppí bilin, royndu menninir at lokka teimum við góðgæti, men hesum takkaðu dreingirnir eisini nei til, og tá ein av dreingjunum nevndi løgregluna, fór bilurin av stað.

Um onnur børn hava verið fyri slíkum, vil løgreglan fegin frætta um hetta, sigur vaktleiðarin á løgreglustøðini í Havn.

Tað er ikki vist, hvørjar ætlanir menninir hava havt, men hetta er nakað, sum skapar ótta og ótryggleika, og tí hevur løgreglan tikið málið upp, sigur hann.