Ruddingardagar í Havn verða 6. og 7. mai

Í komandi viku verður aftur skipað fyri ruddingardøgum í høvuðsstaðnum.

Tað eru dagar, har skúlar, feløg og onnur seta ein dag av til at rudda grannaløg og náttúru.

Ársins ruddingardagur fyri skúlar, frítíðarskúlar og dagstovnar verður fríggjadagin 6. mai, meðan ruddingardagurin fyri eigarafeløg, ítróttafeløg og onnur verður leygardagin 7. mai.

Seinasta freist at tekna seg til ruddingardagarnar er mikudagin 4. mai, skrivar heimasíðan hjá Tórshavnar kommunu.