Runavíkar kommunu tendrar jólatrø um vikuskiftið

Runavíkar kommuna hevur seinastu nógvu árini arbeitt við og stuðlað undir at fáa jólahugnan sjónligan í økinum. Hvørt ár verða jólatrøini tendrað umleið fýra vikur undan jólum og hetta verður m.a. hátíðarhildið við tónleiki og røðum. Brandbilurin vitjar eisini við øllum jólamonnunum í.

Nakrar broytingar eru í jólaskránni í ár orsakað av covid-19. Nøkur tiltøk eru tillagað, meðan onnur eru avlýst.

Í ár verða jólatrøini í kommununi tendrað 28. og 29. november. Nes Sóknar Musikkfelag spælir til tiltøkini, har jólatrøini verða tendrað.

Niðanfyri sæst eitt yvirlit fyri vikuskiftið.

Leygardag 28. november 2020

• kl. 15:30 Jólatræið verður tendrað og brandbilurin vitjar á Toftum.
• kl. 16:30 Jólatræið tendrar og brandbilurin vitjar í Runavík. Kaja Joensen heldur røðu.
• kl. 17:30 Jólatræið tendrar og brandbilurin vitjar á Skála. Arni Klein Abrahamsen heldur røðu.
• kl. 18:30 Jólatræið verður tendrað og brandbilurin vitjar á Strondum.
• kl. 19.30 Jólatræið tendrar og brandbilurin vitjar í Skálafirði. Jonnhild Reynholdsdóttir heldur røðu.

Sunnudag 29. november 2020

• kl. 13:30 Brandbilurin vitjar í Rituvík.
• kl. 14:15 Brandbilurin vitjar í Lamba.
• kl. 14:45 Jólatræið tendrar og brandbilurin vitjar í Søldarfirði. Jytta Sundstein Nielsen heldur røðu.
• kl. 15:45 Jólatræið tendrar og brandbilurin vitjar í Oyndarfirði. Elin Klein Joensen heldur røðu.
• kl. 16:30 Jólatræið tendrar og brandbilurin vitjar í Funningsfirði. Tórbjørn Jacobsen heldur røðu.
• kl. 17:15 Jólatræið tendrar og brandbilurin vitjar í Elduvík. Tórbjørn Jacobsen heldur røðu.
• kl. 18:00 Jólatræið tendrar og brandbilurin vitjar í Funningi. Sámal Petur Petersen heldur røðu.
• kl. 19:30 Brandbilurin vitjar í Æðuvík.