Rúsdrekka og rúsevni í bilum

Nøkur ymisk ferðslumál vóru niðurskrivaði hjá løgregluni í gjár. Sum nevnt fingu fleiri bót og klipp fyri at halda í telefonini, meðan tey koyrdu.

Les eisini: Nú kostar tað eisini klipp at halda í telefonini

Rúsdrekka og rúsevni vóru eisini íblandaði í ferðsluni í høvuðsstaðnum.

Seinnapartin koyrdi ein persónur ávirkaður av rúsdrekka. Viðkomandi varð koyrdur til blóðroynd, og úrslitið har avgerð revsingina.

Løgreglan fann rúsevni í einum bili í gjárkvøldið. Talan var ikki um stóra nøgd, og ein bót verður givin.