Russiskur sendiharri: Ikki sannlíkt at kjarnorkuvápn verða brúkt

Tað er ikki sannlíkt, at Russland fer at brúka taktisk kjarnorkuvápn í krígnum móti Ukraina.

Tað sigur russiski sendiharrin í Stórabretlandi, Andrej Kelin.

Russland hevur strangar ásetingar á hasum økinum, og verða slík vápn bert brúkt, tá tilveran hjá russiska statinum er hótt, og hava tey einki at gera við núverandi atgerð, sigur hann í samrøðu við BBC.

Í Russlandi verður tað, sum gongur fyri seg ikki umrøtt sum eitt kríggj men sum ein serlig hernaðarlig atgerð, og er tað ikki loyvt at brúka orð sum kríggj og innrás í hesum sambandi.