Ruth Thomsen nýggj forkvinna í Megd

Í gjár, 1. apríl, varð fyrsti arbeiðsdagurin hjá nýggju forkvinnuni í Megd. Ruth Thomsen var einasta uppskoti til forfólk á aðalfundinum mánadagin 31. mars, og varð hon vald uttan atkvøðugreiðslu.

Havnarkvinnan tekur við eftir Tóru við Keldu úr Klaksvík, sum seinastu árini hevur staðið á odda.

- Hetta er ein spennandi tíð, sum Ruth sjálv tók til, og nógv er at arbeiða við. Fyrsta tíðin verður sum vera mann brúkt til at seta seg inn í verandi viðurskifti, og setast skulu síðani nýggj mál samstundis sum tað so ella so verður byggt víðari á tað, sum longu er sett út í kortið.

Ruth Thomsen á aðalfundinum (Mynd: megd.fo)

Á aðalfundinum vórðu Anna Dahl-Olsen og Johnny Olsen annars afturvald í starvsnevndina, skrivar Megd á heimasíðu sínari.

Ása Olsen er nývald, og Naina Túgvustein og Julianna Tórunnardóttir koma inn sum tiltakslimir. Starvsnevndin skipar seg annars á fyrst komandi starvsnevndarfundi við næstforfólki. 

Starvsnevndini Megd sum nú er: 
Ruth Thomsen, forkvinna
Sonja Tausen
Anna Dahl-Olsen
Johnny Olsen
Ása Olsen
Bárður Atlason Ísheim, aðalskrivari, er skrivari

Umframt Tóru við Keldu, takkaðu Fía Petersen, Bjørg Dam og Elna Dam Dahl-Olsen fyri seg.

Sí meira á megd.fo