Myndir: Rýkur millum skins og hold

Tórshavnar sløkkilið arbeiðir í løtuni við at sløkkja ein eldsbruna í bygninginum hjá Faroe Ship á Skansabryggjuni í Havn.

Løgreglan fekk fráboðanina klokkan 14.15 um at rýkur kom úr bygninginum.

Fyribils veit løgreglan at siga, at tað bendir á, at tað brennir millum skins og hold í bygninginum, men sum skilst er ikki talan um stóran eld. Nú klokkan 15.45 arbeiddu tey framvegis við at sløkkja, verður upplýst.