Rýmdi frá ferðsluóhappi í Havn

Dagføring kl. 08:51: Bilførarin hevur vent sær til løgregluna. Ein misskiling førdi til, at hann koyrdi frá staðnum.

--

Eitt lítið ferðsluóhapp var í gjár í Niels Finsensgøtu við Sjónleikarhúsið tá tveir bilar bóru við hvønn annan.

Løgreglan greiðir frá, at annar bilførarin koyrdi inn til síðuna fyri at fáa orðið á hin bilføraran, men viðkomandi koyrdi avstað.

Hildið verður, at talan er um ein svartan Kia. Óhappið hendi klokkan 17:05. Árendi bilurin fekk eitt sindur av skaða, men eingin mansskaði var.

Løgreglan ynskir at frætta frá bilføraranum í bilinum, sum rendi á, so at bilførararnir kunnu tosa saman.