Rýmdu úr salinum tá Lavrov helt røðu

Stórur partur av luttakarunum á fundinum í Mannarættindaráðnum hjá ST rýmdu úr salinum fyrapartin, tá russiski uttanríkisráðharrin, Sergej Lavrov, fekk orðið.

Hetta skrivar danski uttanríkisráðharrin, Jeppe Kofod, á Twitter. Hann var millum teirra, sum fór úr salinum undir røðuni hjá Lavrov, skrivar dr.dk.

Jeppe Kofod átti annars orðið eftir russiska starvsbróðurin.

“Russland eigur alla ábyrgdina av teirra “war of aggression” mótvegis Ukraina. Vit mugu stríðast móti russisku falstíðindunum og verja mannarættindini”, skrivar Kofod á Twitter:

Joint diplomatic walkout with @MFA_Ukraine, EU colleagues during Russia’s statement @UN_HRC

Russia bears full responsibility for their war of aggression against Ukraine

We must fight back against Russian misinformation, protect human rights #HRC49 #StandWithUkraine #dkpol pic.twitter.com/WTUAdIkA0h

— Jeppe Kofod (@JeppeKofod) March 1, 2022